आगामी आइतबार देशभर सार्वजनिक बिदा (सूचनासहित)

सरकारले बकर इदको अवसरमा आइतबार सार्वजनिक बिदा दिएको छ । 

गृह मन्त्रालयले आज बुधबार सूचना जारी गरेर इस्लाम धर्मावलम्बीहरुको पर्व बकर इदको अवसरमा नेपाल राजपत्रमा प्रकाशित सूचना अनुसार बिदा दिइएको बताएको छ । 

उक्त पर्व २०७९ को असार २६ गते आइतबार पर्ने भनेर मुस्लिम आयोगबाट सिफारिस भएअनुसार आइतबार बिदा तोकिएको गृह मन्त्रालयका प्रवक्ता सहसचिव फणिन्द्रमणि पोखरेलले बताए ।