टेलिकमको सिआरबिटी सेवा अवरुद्ध

काठमाडौँ । नेपाल टेलिकमको कलर रिङ ब्याक टोन (सिआरबिटी) सेवा अवरुद्ध भएको छ ।

टेलिकमले प्राविधिक समस्या उत्पन्न हुन गई सेवा अवरुद्ध भएको कारणले अर्को सूचना जारी नभएसम्मका लागि उक्त सेवा बन्द रहेको जानकारी गराएको छ । 

साथै यथाशीघ्र समस्या समाधानका लागि प्रयास भइरहेको टेलिकमले जानकारी दिदै ग्राहकवर्गमा पर्न गएको असुविधाप्रति क्षमा मागेको छ ।