नेपालले चीनसँग ऋण लिन हुँदैन - सभापति शेरबहादुर देउवा

काठमाडौं ।  नेपाली कांग्रेसका सभापति एवं पूर्वप्रधानमन्त्री शेरबहादुर देउवाले प्रधानमन्त्री केपी शर्मा ओलीको आसन्न चीन भ्रमणमा सरकारले ऋण लिन नहुने स्पष्ट पारेका छन् ।

जनकपुर विमानस्थलमा सञ्चारकर्मीहरुसँग कुराकानी गर्दै उनले नेपालको ऋण लिने सामर्थ्य नरहेकाले अनुदान लिनुपर्ने धारणा कांग्रेसको रहेको स्पष्ट पारे । उनले चीन नेपालको मित्रराष्ट्र भएको भन्दै भ्रमण गर्नै नहुने भन्ने नभएको बताए । ‘लोन नलिने, ऋण नलिने, तर अरू अनुदान लिन हामी तयार छौँ । चीन हाम्रो मित्र राष्ट्र हो । किन नजाने त्यहाँ’, उनले भने । 

प्रधानमन्त्री ओलीले आज चीन भ्रमणका एजेण्डाबारे छलफल गर्न पूर्वप्रधानमन्त्री, पूर्वपरराष्ट्रमन्त्री र मन्त्रीहरुसँग आयोजना गरेको छलफलमा देउवा सहभागी थिएनन् । उनी पूर्वनिर्धारित कार्यक्रम अनुसार जनकपुरधाम गएका थिए ।