घट्यो सुनको मूल्य

काठमाडौं । आज शुक्रबार सुनको मूल्य फेरि घटेको छ। आज सुन तोलामा पाँच सय रुपैयाँले घटेर एक लाख ४८ हजार पाँच सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। हिजो बिहीबार एक लाख ४९ हजार रुपैयाँमा कारोबार भएको थियो।

यस्तै, आज चाँदीको मूल्यमा पनि २० रुपैयाँ घटेको छ। आज चाँदी एक तोलाको एक हजार ७ सय ६० रुपैयाँमा कारोबार भइरहेको महासंघले जनाएको छ। हिजो बिहीबार चाँदी प्रतितोला एक हजार ७ सय ८० रुपैयाँमा कारोबार भएको थियो।