घट्यो सुनको मूल्य

काठमाडौं । आज बिहीबार सुनको मूल्य घटेको छ। आज सुन तोलामा एक हजार सात सय रुपैयाँले घटेर एक लाख ४९ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। हिजो बुधबार एक लाख ५० हजार सात सय रुपैयाँमा कारोबार भएको थियो।

यस्तै, आज चाँदीको मूल्य पनि घटेको छ। चाँदी तोलामा ५५ रुपैयाँले घटेर प्रतितोला एक हजार ७८० रुपैयाँमा कारोबार भइरहेको महासंघले जनाएको छ। हिजो बुधबार चाँदी प्रतितोला एक हजार ८ सय ३५ रुपैयाँमा कारोबार भएको थियो।