भक्तपुरमा एक वृद्धा हातखुट्टा बाँधिएको अवस्थामा मृत फेला

काठमाडौं । भक्तपुरमा एक वृद्धा हातखुट्टा बाँधिएको अवस्थामा मृत फेला परेकी छन् । भक्तपुर नगरपालिका-३, दरबारस्क्वायर इछुगल्लीकी ९४ वर्षीय विष्णुकुमारी त्वयना मृत फेला परेको प्रहरीले जनाएको छ।

त्वयनाको शव बुधबार साँझ ५ बजेको समयमा आफ्नै घरमा फेला परेको परिसरका प्रहरी नायब उपरीक्षक ढुण्डीराज नेउपानेले जानकारी दिए। उनको शव आफू सुत्ने कोठामा कपडाले दुवै खुट्टा एकै ठाँउमा बाँधिएको अवस्थामा मृत्त फेला परेको उनले बताए।

घटनास्थल भक्तपुर दरवार क्षेत्रको ३ सय मिटर उत्तरमा पर्छ। मृतक विष्णुकुमारीको शवलाई पोशमार्टमका लागि दुवाकोटस्थित केएमसी अस्पतालमा राखिएको छ।