आजको मौसम

काठमाडौं ।  हाल देशमा पश्चिमी वायुको प्रभाव छ । काठमाडौं उपत्यकासहित देशभरको मौसममाआंशिक तथा साधारण बदली आएको छ । शनिबार बिहान कोशी, बागमती र गण्डकी प्रदेशका पहाडी भू–भागमा आंशिक बदली रहेको छ । दिउँसो कोशी, बागमती, गण्डकी र कर्णाली प्रदेशका पहाडी भू–भागमा आंशिक बदली रहनेछ ।

कोशी प्रदेशका केही स्थानमा हल्का वर्षा र गण्डकी प्रदेशका उच्च पहाडी भू–भागमा हल्का हिमपातको सम्भावना रहेको छ । राति पनि पहाडी भूभागमा आंशिक बदली रहने महाशाखाले जनाएको छ । सुदूरपश्चिम, कर्णाली र लुम्बिनी प्रदेशका केही स्थानहरूमा हल्का वर्षा, र गण्डकी, बागमती र कोशी प्रदेशका उच्च पहाडी भू–भागका थोरै स्थानमा हल्का वर्षा हुन सक्ने महाशाखाले जनाइएको छ ।

मंसिर २३ गतेदेखि २४ गतेसम्म सुदूरपश्चिम र कर्णाली प्रदेशका उच्च पहाडी तथा हिमाली भू–भागमा हल्कादेखि मध्यम हिमपात हुने अनुमान गरिएको छ । जल तथा मौसम विभाग पूर्वानुमान महाशाखाका अनुसार देशका विभिन्न स्थानहरूमा आइतबार साँझदेखि आंशिक बदलीको सम्भावना रहेको छ ।