देउसी खेलिरहेकालाई बसले ठक्कर दिँदा एक जनाको मृत्यु, दर्जन बढी घाइते

अर्घाखाँची- भैलो खेलिरहेको समूहलाई बसले ठक्कर दिँदा अर्घाखाँचीमा एक जनाको मृत्यु भएको छ। भूमिकास्थान नगरपालिकाकाे खिल्जीस्थित फूलबारी भन्ने स्थानमा साँझ करिब ५ बजे  प्युठानबाट भैलो समूह लिएर आएको ना ३ ख २४७१ नो बस नजिकै देउसी खेल्ने भैलो खेलिरहेको समूहलाई ठक्कर दिदा  दुर्घटना भएकोहो। 

 दुर्घटनामा एक जनाको मृत्यु भएको छ। एक दर्जन भन्दा बढी  घाईते भएका छन्। घाइते मध्ये १५ जनाको अवस्था गम्भीर रहेको बताइएको छ।  घाइतेलाई स्थानीय स्वास्थ चाैकी र जिल्ला अस्पताल सन्धिखर्कमा उपचारका पठाईएको छ।

सोमबार अर्घाखाँचीको भूमिकास्थान नगरपालिका-५ र ६ को सिमानामा पर्ने जयठाटीमा भैलो खेलिरहेको समूहलाई बसले ठक्कर दिँदा एक जनाको मृत्यु हुनुका साथै एक दर्जन भन्दा बढी घाइते भएको जिल्ला प्रहरी कार्यालय अर्घाखाँचीका प्रमुख प्रहरी नायब उपरीक्षक चक्रबहादुर मल्लले जानकारी दिए। 

'बसको ठक्करबाट एक महिलाको घटनास्थलमै मृत्यु भएको छ भने उनको पहिचान खुलेको छैन,' उनले भने।