सप्तकोशीमा पानीको बहाब बढ्यो, ३१ ढोका खोलियो

विराटनगर । सप्तकोशी नदीमा पानीको सतह बढेपछि ३१ ढोका खोलिएको छ । 

आइतबार राति १० बजे कोशी ब्यारेजमा पानीको प्रवाह प्रतिसेकेन्ड २ लाख २६ हजार ५६० क्युसेक पुगेको थियो ।  त्यसपछि कोशी ब्यारेजका ५६ ढोकामध्ये अहिले ३१ ढोका खोलिएको सुनसरी प्रहरीले जानकारी दिएको छ ।

सप्तकोशी जलमापन केन्द्रले कोशी ब्यारेजमा हाल एक लाख ५० हजार क्युसेक बहाव हुनेबित्तिकै खतराको सूचक भन्दै रातो झन्डा र बत्ती बाल्ने गरिएको छ ।