माओवादी केन्द्रले बोलायो पदाधिकारी बैठक

काठमाडौं । नेकपा माओवादी केन्द्रले पदाधिकारी बैठक बोलाएको छ । पदाधिकारी बैठक आज दिउँसो ४ बजे पार्टी कार्यालय पेरिसडाँडामा बस्ने भएको छ । यस बैठकमा आगामी शनिबारदेखि सुरू हुने स्थायी कमिटी बैठकका एजेण्डाबारे छलफल हुने बताइएको छ ।

माओवादी केन्द्रमा उपमहासचिव जनार्दन शर्माले सार्बजनिक रुपमा दिएका अभिव्यक्तिपछि पार्टीमा देखिएको अन्तरद्वन्दको विषयमा समेत छलफल हुने बुझिएको छ । साथै माओवादी केन्द्रले पोखरामा पुगेर स्थगित भएको मध्यपहाडी लोकमार्ग विशेष अभियानलाई फेरी सुचारु गर्ने विषयमा समेत छलफल हुने बताइएको छ ।