जडीबुटीमा रोकिराखेको बसमा स्कुटर ठोक्कियो, दुई जनाको मृत्यु

काठमाडौँ । काठमाडौं महानगरपालिका–३२ जडीबुटीस्थित आकासे पुलनजिक रोकिराखेको बसमा स्कुटर ठोक्किँदा दुई जनाको मृत्यु भएको छ । 

प्रहरीका अनुसार आज बिहान भएको दुर्घटनामा गम्भीर घाइते भएका काभ्रेपलाञ्चोकको पाँचखाल नगरपालिका-२ होक्सेका २३ वर्षीय नितेश नेपाल र नवलपरासी (बर्दघाट सुस्ता पश्चिम) सुनवल नगरपालिका–१ का २२ वर्षीय शिरीष पौडेलको उपचारका क्रममा मृत्यु भएको हो ।

प्रहरीले सडक किनारमा बस राखेका चालकलाई नियन्त्रणमा लिएको जनाएको छ ।