गाजामा कुपोषण 'खतरनाक स्तर' मा पुग्यो- डब्लुएचओ

काठमाडौँ । विश्व स्वास्थ्य संगठन (डब्लुएचओ) ले गाजामा कुपोषण 'खतरनाक स्तर' मा पुगेको र तीव्र गतिमा बढिरहेको चेतावनी दिएको छ । डब्लुएचओको यो चेतावनी यस्तो समयमा आएको हो जब गाजामा फेरि सहायता सामग्री हवाई मार्गबाट खसाल्न थालिएको छ । 

यस वर्ष रेकर्ड गरिएका ७४ कुपोषणसँग सम्बन्धित मृत्युमध्ये ६३ जना यसै महिना मात्र भएका थिए, जसमा पाँच वर्ष मुनिका २४ बालबालिका पनि समावेश थिए । धेरैको मृत्यु चिकित्सा सेवामा पुग्नुअघि नै भएको थियो, उनीहरूको शरीरमा गम्भीर क्षयीकरणका संकेतहरू देखिएका थिए ।

गाजामा बालबालिकाहरूले यसको मार खेपिरहेका छन् । जुलाईमा ५ हजारभन्दा बढी बालबालिकालाई कुपोषणको उपचार गरिसकिएको छ, जसमध्ये धेरैको जीवनलाई जोखिममा पार्ने खालको छ । तर गाजाका चार विशेष उपचार केन्द्रहरू ओझेलमा परेका छन्, इन्धन र आपूर्तिको अभाव छ, र थकित स्वास्थ्यकर्मीहरूले भरिएका छन् । डब्लुएचओले चेतावनी दिदै गजको स्वास्थ्य प्रणाली नै चिन्ताजनक अवस्थामा रहेकोले रोग द्रुत गतिमा फैलिरहेको बताएको छ ।

यसैबीच जोर्डनले संयुक्त अरब इमिरेट्स (युएई) सँग मिलेर आइतबार गाजामा २५ टन सहायता सामग्री खसालेको बताएको छ । साथै, इजरायलले गाजाको केही भागमा हरेक दिन १० घण्टा सैन्य कारबाही बन्द गर्ने र संयुक्त राष्ट्र संघ (युएन) लाई सहायता सामग्री पठाउनका लागि कोरिडोरहरू खोल्ने बताएको छ । इजरायलले 'जानाजानी भोकमरीको गलत दाबीलाई खण्डन गर्न' यो गरिरहेको बताएको छ । 

संयुक्त राष्ट्र संघका सहायता प्रमुख टम फ्लेचरले आइतबार इजरायलले केही यात्रा प्रतिबन्धहरू कम गरेको बताएका छन् ।रोयटर्सका अनुसार, सहायता बोकेका १०० भन्दा बढी ट्रक गाजामा आइपुगेका छन् ।