सूर्यदर्शन सहकारी ठगी प्रकरण-पूर्व प्रदेश सभा सदस्य मीना गुरुङ पक्राउ

काठमाडौं। गण्डकी प्रदेशकी पूर्वसांसद तथा सूर्यदर्शन सहकारीकी पूर्व उपाध्यक्ष मीना गुरुङलाई ठगी प्रकरणमा कास्की प्रहरीले नियन्त्रणमा लिएको छ।

मंगलबार साँझ गुरुङलाई पोखरा–११ स्थित उनको निवासबाट पक्राउ गरिएको हो। सूर्यदर्शन सहकारी ठगी प्रकरणमा मुद्दा दायर गरिएका प्रतिवादीमध्ये गुरुङ पनि एक हुन्। सहकारीको आर्थिक अनियमिततासम्बन्धी आरोपपछि उनीमाथि छानबिन सुरु भएको थियो।

प्रहरीले उनलाई थप अनुसन्धानका लागि हिरासतमा राखेको छ। उनलाई बिहिबार अनुसन्धानका लागि समय लिन अदालतमा उपस्थित गराईने कास्की प्रहरीले जनाएको छ ।

पोखरा १२ रानीपौवा निवासी गुरुङ सूर्यदर्शन सहकारीको पूर्वउपाध्यक्ष हुन् । उनी स्थापनाकालदेखि नै सो सहकारीमा आबद्ध थिइन् ।

जिल्ला सरकारी वकिलको कार्यालय कास्कीले आइतबार मुद्दा दर्ता गरेकाहरुको सूचीमा गुरुङको नाम पनि छ । गुरुङलाई प्रहरीले फरारको सूचीमा राखेर मुद्दा दायर गरेको थियो ।