गाजामा भोकमरीका कारण अहिलेसम्म ११३ जनाको मृत्यु

काठमाडौँ । गाजामा रहेको कुपोषणका कारण थप २ जनाको मृत्यु भएको छ । हमासद्वारा सञ्चालित स्वास्थ्य मन्त्रालयले पछिल्लो २४ घण्टामा अनिकाल र कुपोषणका कारण थप दुई जनाको मृत्यु रेकर्ड गरिएको जनाएको छ ।

यससँगै, भोकमरीका कारण मृत्यु भएकाहरूको कुल संख्या ११३ पुगेको छ। यस हप्ताको सुरुमा, संयुक्त राष्ट्र संघका महासचिव एन्टोनियो गुटेरेसले गाजाको २१ लाख जनसंख्याले आधारभूत आपूर्तिको गम्भीर अभावको सामना गरिरहेको र कुपोषण बढ्दै गएको बताएका थिए ।

गाजामा लाखौं मानिसहरूसँग आफैंलाई खुवाउन पर्याप्त खाना नभएको बताइएको छ ।

साथै विश्वभरका मानव अधिकार संगठनहरू र सहायता एजेन्सीहरू आफ्नै मानिसहरूलाई खाना उपलब्ध गराउन संघर्ष गरिरहेको बताइएको छ ।