रास्वपा बाराको बैठकमा तनाव,सभापतिका समर्थकद्वारा रास्वपाकै सांसदमाथि हातपात

रौतहट। राष्ट्रिय स्वतन्त्र पार्टी (रास्वपा) बारा जिल्लाको विस्तारित बैठकमा तीव्र विवाद र तनाव उत्पन्न भएको छ।

विवादले उग्र रूप लिएपछि आक्रोशित कार्यकर्ताहरूले बैठक स्थलमै उपस्थित प्रतिनिधिसभा सदस्य (सांसद) तथा केन्द्रीय नेताहरूलाई धक्कामुक्का समेत गरेका छन्। स्थिति नियन्त्रण बाहिर जान थालेपछि प्रहरीले नेताहरूलाई सुरक्षित रूपमा कार्यक्रम स्थलबाट बाहिर निकालेको थियो।

 स्वर्णकारलाई पार्टीले निष्कासन गर्न नहुने माग राख्दै उनका समर्थकले बाराका सांसदहरूविरुद्ध नाराबाजी गरेका छन् । कार्यक्रमस्थलमा सांसदहरू रहबर अन्सारी, गणेश धिमाल, अरबिन्द साह र चन्दन सिंहमाथि हातपातको प्रयास समेत गरिएपछि प्रहरीले सांसदहरूलाई कार्यक्रम स्थलबाट बाहिर निकालेको थियोे ।

सहभागीहरूका अनुसार पार्टीका संस्थापक जिल्ला अध्यक्ष चन्दन स्वर्णकार पक्षलाई दबाबमा पार्ने र बाइपास (उपेक्षा) गर्ने प्रयास गरिएपछि विवादको बिजारोपण भएको हो।