दैलेखमा ग्यास सिलिन्डर बोकेको ट्रक दुर्घटना, तीन जनाको मृत्यु

दैलेख । दैलेखमा ग्यास सिलिन्डर बोकेको ट्रक दुर्घटना हुँदा तीन जनाको घटनास्थलमा मृत्यु भएको छ ।

जिल्ला प्रहरी कार्यालय दैलेखका अनुसार गुराँस गाउँपालिका ४ तालपोखरी बजारनजिक आज बिहान नेपालगञ्जबाट दैलेखका लागि ग्यास लिएर जाँदै गरेको भे १ ख २२०१ नम्बरको ट्रक दुर्घटनामा परी चालकसहित तीन जनाको मृत्यु भएको हो ।

मृत्यु हुनेमा सवारी चालक अन्दाजी ३१ वर्षीय कृष्ण चौधरी, ट्रकमा सवार २५ वर्षीय लक्षिराम चौधरी र २३ वर्षीय विष्णु चौधरी रहेको दैलेख डीएसपी किशोर लम्सालले जानकारी दिए ।

लम्सालका अनुसार सहचालक प्रकाश कुमाई घाइते भएका छन् । ट्रक सडकबाट झन्डै १५० मिटर तल खसेको छ ।