बक्सअफिसमा तीन नेपाली सहित एक दक्षिण भारतीय फिल्म रिलिज

काठमाडौं । शुक्रबार सिनेमाघरहरुमा तीन नयां नेपाली चलचित्र प्रदर्शनमा आएका छन् । रञ्जित रौनियारको ‘माइकल अधिकारी’, दीपक वली निर्देशित ‘कृष्णलीला’,परिच्छेद सेन निर्देशित ‘प्रेमगञ्ज’ र हिन्दी डब चलचित्र ‘कार्तिकेय २’  प्रदर्शनमा आएको हो । 

चलचित्र कृष्णलीला’ एकोहोरो प्रेम गर्दा आउने वाधा अड्चनको कथा हो । पुष्प खड्का, श्रद्धा क्षेत्री, बुद्धि तामाङ र रविन्द्र झा लगाएतका कलाकारहरुको चलचित्रमा अभिनय रहेको छ । 

‘माइकल अधिकारी’ गोपीकृष्ण मुभिजले निर्माण गरेको चलचित्र हो । चलचित्रको कथा  ‘सरोगेसी’ मा आधारित छ । चलचित्रमा सृष्टि श्रेष्ठ र सौगात मल्ल प्रमुख भूमिकामा देखिएका छन् । 

यस्तै एकै व्यक्तिको दुई पुस्ताको प्रेमकथालाई चलचित्र ‘प्रेमगञ्ज’ मा देखाइएको छ । मायाप्रेममा आधारित चलचित्रमा तेज गिरी र बेनिशा हमालको अभिनय रहेको छ । 

‘कार्तिकेय २’मा निखिल सिद्धार्थ, अनुपमा परमेश्वरम् र अनुपम खेरको प्रमुख भूमिका छ । चन्दु मनदेती निर्देशित फिल्मले भगवान श्रीकृष्णको शक्तिमार्फत कसरी मुख्य पात्र कार्तिकेयले आफ्नो समस्याको रहस्य पत्ता लगाउँछ भन्ने कथावस्तुमा चलचित्र आधारित छ ।