महालक्ष्मी नगरपालिका वडा नम्बर ३ को आयोजनामा   जनचेतनामूलक सरसफाई कार्यक्रम सम्पन्न

ललितपुर-   महालक्ष्मी नगरपालिका वडा नम्बर ३ को आयोजनामा आज शनिबार आयोजित  जनचेतनामूलक सरसफाई कार्यक्रम सम्पन्न भएको छ।  स्वच्छ सफा मेरो धर्ती, मेरो दायित्व मेरो जिम्मेवारी भन्ने मूल नाराका साथ भगवती मन्दिर हनुमन्ते बाट सुरु भएको उक्त सरसफाई कार्यक्रम वडाका विभिन्न स्थानमा सरसफाई गरी सम्पन्न भएको थियो।

उक्त सरसफाई कार्यक्रमलाई बोझेपोखरी खानेपानी तथा सरसफाई उपभोक्ता समिति, सिर्जना सामुदायिक संस्था, सृजनशील महिला समूह र समृद्ध सेतो आमा समूह साथै सृजनशील सेवा प्राली, सृजनशील वातावरण संरक्षण केन्द्र सेवा प्राली र नेपाल फुलबारी सेवा प्रालीको सहकार्य रहेको थियो। उक्त कार्यक्रममा स्थानीयवासीको पनि सक्रिय सहभागिता रहेको थियो। स्थानीयवासीसँग सहकार्य गर्दै तीन नम्बर वडाले महिनाको दुई चारचोटि यस्ता जनचेतनामूलक कार्यक्रमहरू गर्दै आइरहेको छ।