चिनीको मूल्य मनपरी ढंगले वृद्धि, पुग्यो किलोको ११० रूपैयाँ

काठमाडौँ। चिनीको मूल्य प्रतिकिलो एक सय १० रुपैयाँ पुगेको छ। एकैपटक किलोमै २० रुपैयाँले महँगिएर खुद्रा बजारमा चिनीको मूल्य प्रतिकिलो ११० रुपैयाँ पुगेको हो।

उत्पादक र ठूला व्यापारीले चिनी लुकाएका कारण बजारमा चिनीको अभाव सिर्जना भएको छ। सीमित व्यापारीले कृतिम अभाव सिर्जना गरी चिनीको मूल्य मनपरी ढंगले वृद्धि गरेका हुन्।

नेपाल खुद्रा व्यापार संघकाअनुसार चिनीको खुद्रा मूल्य ९० रुपैयाँबाट बढेर ११० रुपैयाँ पुगेको छ। संघका अनुसार सरकारले आफ्नो स्वमित्वको संस्थानलाई चिनी ल्याउन नदिएपछि व्यापरीले चिनीको मूल्य प्रतिकिलो १० रुपैयाँले बढाएर एक सय रुपैयाँ पुर्याएका थिए।

भारतले चिनी निर्यातमा रोक लगाए पछि मूल्य थप १० रुपैयाँले बढेर ११० रुपैयाँ पगेको संघले जनाएको छ।