भ्रष्ट, बिचौलिया सँग पद र सत्ताको लागि घाँटी जोड्ने केपी ओलीका बामालेहरूले मलाई राजावादी भन्नु हाँस्यास्पद -भीम रावल

काठमाडौं । पूर्व उपप्रधान एवं गृहमन्त्री डा.भीम रावलले नेकपा (एमाले) का केही नेता तथा कार्यकर्ताहरुले आफूलाई राजावादीको संज्ञा दिएको भन्दै आपत्ति जनाएका छन् । बुधबार साँझ उनले फेसबूक ह्यान्डलमा लेखेका छन्, 'विराटनगर र सुनसरीको भ्रमणमा जाँदा देशभक्त युवाहरूले मलाई साथ दिएकोमा बामालेहरूले 'भीम रावल राजावादी भयो' भनी प्रचार गरेछन्।'

उनले त्यो हाँस्यास्पद भएको पनि बताएका छन्। 'भ्रष्ट, बिचौलिया, कम्युनिष्ट पार्टीले प्रतिक्रयावादी भनेकाहरूसँग पद र सत्ताको लागि घाँटी जोड्ने केपी ओलीका बामालेहरूले देशभक्त युवा-युवतीहरूको मप्रतिको समर्थनलाई राजावादी भन्नु हाँस्यास्पद छ,' उनले भनेका छन्।

उनले अगाडि भनेका छन्, 'हामी आन्दोलनमा रहेको बेला पञ्चातको आमा भनी चिनिने डा. तुलसी गिरीसँग गोप्य साँठगाँठ गर्ने, चुनाव जित्न झापामा राजेन्द्र लिङ्देनसँग साँठगाँठ गरी एमालेहरूलाई हलोमा मतदान गर्न लगाउने, एमाले कार्यकर्तालाई रुवाएर राप्रपा नेपालका सभापतिलाई मकवानपुरमा उम्मेदवार बनाउने, होली वाईन टाउकोमा राख्नेहरूले राजावादी भने।'

उनले देश र जनताको सर्वोपरी हित, स्वाधीनता र स्वाभिमान चाहने र भ्रष्टाचार, बेथिति र कुशासनविरुद्ध उभिने सम्पूर्ण देशभक्तहरूलाई एकजुट हुन आह्वानसमेत गरेका छन्। 

नेता रावलले एमालेलाई ‘बामाले’ को संज्ञा दिँदै भनेका छन्, ‘विराटनगर र सुनसरीको भ्रमणमा जाँदा देशभक्त युवाहरूले मलाई साथ दिएकोमा बामालेहरूले भीम रावल राजावादी भयो भनी प्रचार गरेछन्। हामी आन्दोलनमा रहेको बेला पञ्चायतको आमा भनी चिनिने डा.तुलसि गिरीसंग गोप्य साँठगाँठ गर्ने, चुनाव जिल झापामा राजेन्द्र लिंगदेनसंग साँठगाँठ गरी एमालेहरूलाई हलोमा मतदान गर्न लगाउने, एमाले कार्यकर्तालाई ख्वाएर राप्रपा, नेपालका सभापतिलाई मकवानपुरमा उम्मेदवार बनाउने, होली वाईन टाउकोमा राख्ने, भ्रष्ट, विचौलिया, कम्युनिष्ट पार्टीले प्रतिक्रयावादी भनेकाहरूसंग पद र सत्ताको लागि घाँटी जोड्ने केपी ओलीका बामालेहरूले देशभक्त युवा युवतिहरूको म प्रतिको समर्थनलाई राजावादी भन्नु हास्यास्पद छ,’– सामाजिक सञ्जालमार्फत उनले भनेका छन् ।

देश र जनताको सर्वोपरी हित, स्वाधीनता र स्वाभिमान चाहने र भ्रष्टाचार, बेथिति र कुशासनका विरुद्ध उभिने सम्पूर्ण देशभक्तहरूलाई एकजुट हुन उनले आह्वान गरेका छन् ।