ह्यत्तै घट्यो सुनको मूल्य

 काठमाडौं । नेपाली बजारमा आज सुनको मूल्य उल्लेख्य रूपमा घटेको छ । नेपाल सुनचाँदी व्यवसायी महासंघका अनुसार बिहीबार (माघ २२) सुनको मूल्य प्रतितोला ९ हजार ५०० रुपैयाँले घटेको हो ।

मूल्य घटेसँगै आज छापावाल सुन प्रतितोला दुई लाख ९५ हजार २०० रुपैयाँमा कारोबार भइरहेको महासंघले जनाएको छ । यसअघि बुधबार सुनको मूल्य १४ हजार ४०० रुपैयाँले बढेर प्रतितोला तीन लाख चार हजार ७०० रुपैयाँ पुगेको थियो ।

त्यसैगरी, चाँदीको मूल्यमा पनि गिरावट आएको छ । आज चाँदी प्रतितोला ६२० रुपैयाँले घटेर चार हजार ९८० रुपैयाँमा किनबेच भइरहेको छ । बुधबार चाँदी प्रतितोला पाँच हजार ६०० रुपैयाँमा कारोबार भएको थियो ।

अन्तर्राष्ट्रिय बजारको उतारचढावका कारण पछिल्ला दिनमा सुनचाँदीको मूल्यमा तीव्र परिवर्तन देखिँदै आएको महासंघले जनाएको छ ।