रविलाई प्रधानमन्त्री अफर गरेकोबारे ओली भन्छ्न- मैले अखबारहरूमा पढेँ , अरु मलाई थाहा छैन

काठमाडौं । प्रमुख प्रतिपक्षी दल नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले आफूले रास्वपाका सभापति रवि लामिछानेलाई प्रधानमन्त्री अफर गरेको भन्ने विषयमा अनभिज्ञता प्रकट गरेका छन् ।

आज (बिहीबार) प्रधानमन्त्री पुष्पकमल दाहाललाई सिंहदरबारमा भेटेर निस्किेन क्रममा उनले यस्तो अनभिज्ञता प्रकट गरेका हुन् । पछिल्लो समय ओलीले रास्वपाका सभापति लामिछानेलाई प्रधानमन्त्री अफर गरेको समाचार आएका थिए ।

त्यही विषयमा आज सञ्चारकर्मीहरुले राखेको जिज्ञासामा उनले ठोस जवाफ दिएनन् । बरु, आफूले पनि उक्त विषय अखबारबाट थाहा पाएको प्रतिक्रिया दिए । उनको प्रतिक्रिया थियो–‘मैले अखबारहरूमा पढेँ । अरु मलाई थाहा छैन ।’