काठमाडौं। उच्च अदालत तुलसीपुरको बुटवल इजलासले रास्वपाका सभापति रवि लामिछानेलाई थुनामा पठाउने आदेश भएको छ। अदालतले सहकारी ठगी प्रकरणमा जिल्ला अदालत रुपन्देहीको आदेश बदर गर्दै लामिछानेलाई थुनामा पठाउने आदेश गरेको हो।
न्यायाधीशद्वय रमेश ढकाल र स्वीकृति पराजुलीको संयुक्त इजलासले रविलाई जिल्ला अदालत रुपन्देहीको बदर गर्दै थुनामा पठाउने आदेश जारी गरेको हो।बुटवलको सुप्रिम सहकारीको ठगी मुद्दामा जिल्ला अदालतले जोशीलाई थुनामा पठाएको थियो भने लामिछानेसँग १ करोड धरौटी माग गरेको थियो।
उच्च अदालत तुलसीपुर, बुटवल इजलासका सूचना अधिकारी राम बहादुर कुँवरका अनुसार रविलगायतलाई धरौटीमा छाड्ने जिल्ला अदालतको आदेशविरुद्ध सरकारी उच्च अदालतमा पुनरावेदन आएको थियो । ‘जिल्ला अदालतको फैसलाविरुद्ध सरकार उच्चमा पुनरावेदन आएको थियो । धरौटीमा छाड्ने जिल्ला अदालतको फैसला बदर भएको छ । अब कानुनी प्रक्रियाअनुसार अगाडि बढ्छ,’– उनले भने ।
त्यस्तै, उच्च अदालतले नेपाल प्रहरीका पूर्व डिआईजी छविलाल जोशीलाई पुर्पक्षका लागि थुनामा पठाउने जिल्ला अदालतकै फैसला सदर गरेको छ ।
प्रतिक्रिया