गौरीशंकर गाउँपालिकामा एमालेकी उमा शेर्पा विजयी

काठमाडौं। दोलखाको गौरीशंकर गाउँपालिका उपाध्यक्षमा एमालेकी उमा शेर्पा विजयी भएकी छन् ।

आइतबार भएको उपनिर्वाचनको मतगणनाको अन्तिम मत परिणामअनुसार उनले २ हजार ८०५ मतसहित विजय हासिल गरेकी हुन्। माओवादीकी निमलेकी शेर्पाले २ हजार ५९९ मत ल्याउँदा कांग्रेसकी पासाङदिकी शेर्पाले १७६५ मत ल्याएकी छन्।

गौरीशंकर गाउँपालिकामा २०७९ को निर्वाचनमा कांग्रेस र माओवादीले गठबन्धन गरेका थिए। ९ वटा वडा रहेको गौरीशंकरमा ७ हजार ५९० मत खसेको छ।