च्याम्पियन्स लिगको नकआउट चरणमा को को पुगे ?

पेरिस । युरोपेली च्याम्पियन्स लिगको यस सिजनको समूह चरणका खेल सकिएका छन् । बुधबार लिग चरणका अन्तिम खेल भए र यससँगै नकआउट चरणमा खेल्ने १६ टिमको नाम निश्चित भएको छ ।

बुधबार रातिका खेलमा एसी मिलानले एफसी साल्सबर्गलाई ४–०, चेल्सीले डायनामो जागरेभलाई २–१, रियल म्याड्रिडले सेल्टिकलाई ५–१, आरबी लाइपजिगले साख्तर डोनेस्कलाई ४–०, म्यानचेस्टर सिटीले सेभियालाई ३–१, बेनफिकाले मकाबी हाइफालाई ६–१ र पेरिस सेन्ट जर्मेन (पीएसजी) ले युभेन्ट्सलाई २–१ लाई हरायो । बोरुसिया डर्टमुन्डले एफसी कोपनहेगनसँग १–१ को बराबरी खेले ।

यससँगै अन्तिम १६ पुग्ने टिममा नेपोली, लिभरपुल, पोर्टो, क्लब ब्रुग्स, बायर्न म्युनिक, इन्टर मिलान, टोटनहम, इन्ट्राख्त फ्रान्कफर्ट, चेल्सी, एसी मिलान, रियल म्याड्रिड, लाइपजिग, म्यानचेस्टर सिटी, बोरुसिया डर्टमुन्ड, बेनफिका र पीएसजी रहे ।