सामन्था र राज नजिकिदै

काठमाडौँ । दक्षिण भारतीय सिनेमाकी अभिनेत्री सामन्था र फिल्म निर्माता राज निदीमोरुबीच अफयर्सको चर्चा चलिरहेको बेला दुवैलाई एक साथ देखिएको छ ।

सामन्था र राजलाई हालै मुम्बईको एक रेस्टुरेन्टमा देखिएपछि दुवैको अफयर्सको चर्चा फेरी चलेको छ । राजले पापाराजीलाई देखेपछि असन्तुष्टि व्यक्त गरेको देखिएको थियो ।

उनीहरूको सम्बन्धको बारेमा सामाजिक सञ्जालमा धेरै चर्चा भइरहेको छ। यद्यपि, अहिलेसम्म उनीहरूमध्ये कसैले पनि सम्बन्धको पुष्टि वा अस्वीकार गरेका छैनन् ।

यसअघि जुलाई ८ मा सामन्थाले सामाजिक सञ्जाल पोस्टमा आफ्नो डेट्रोइट अमेरिका यात्राको तस्बिरहरू साझा गरेकी थिइन्, जसमा राज पनि देखिएका थिए । मे महिनाको सुरुमा, सामन्थाले राजसँगका आफ्ना केही तस्बिरहरू पोस्ट गरेकी थिइन्, जसमा उनी राजको काँधमा टाउको राखेर बसेकी देखिएकी थिइन् । त्यसपछि राजकी श्रीमती श्यामली डेले सामाजिक सञ्जालमा एक भावनात्मक नोट साझा गरेकी थिइन् । श्यामलीले आफ्नो इन्स्टाग्राम स्टोरीमा लेखेकी थिइन्- 'आज मेरो बारेमा सोच्ने, हेर्ने, सुन्ने, पढ्ने वा लेख्ने सबैलाई म आशीर्वाद र माया पठाउँछु ।'

उनले कसैको नाम लिएकी थिइनन्, तर यो पोस्ट त्यही दिन आएको थियो जब सामन्थाले राजसँगको आफ्नो तस्बिरहरू सेयर गरेकी थिइन् । यसपछि, श्यामलीको पोस्टले पनि उनको जीवनमा सबै कुरा ठिक छैन भन्ने संकेत गरेको थियो ।

श्यामली पेशाले मनोविज्ञानमा स्नातक हुन् र राकेश ओमप्रकाश मेहरा र विशाल भारद्वाज जस्ता ठूला निर्देशकहरूसँग सहायक निर्देशकको रूपमा काम गरेकी छिन् । उनी 'रंग दे बसन्ती', 'ओमकारा' जस्ता फिल्महरूमा पटकथा लेखक र रचनात्मक सल्लाहकार पनि रहेकी छिन् । राजसँग उनकी एक छोरी पनि छिन् । मिडिया रिपोर्टका अनुसार राज र श्यामलीको २०२२ मा नै डिभोर्स भइसकेको छ तर उनीहरुले सार्बजनिक रुपमा यसको जानकारी दिएका छैनन् ।

अर्कोतर्फ, सामन्थाको पहिले विवाह अभिनेता नागा चैतन्यसँग भएको थियो । उनीहरूले २०१७ मा गोवामा एक भव्य विवाह समारोहमा विवाह गरे तर चार वर्ष विवाह पछि २०२१ मा सम्बन्ध विच्छेदको घोषणा गरेका थिए ।

समन्थाले आफ्नो डेब्यू प्रोडक्सन फिल्म 'शुभम' को प्रमोशनको क्रममा यी तस्बिरहरू सेयर गरेकी थिइन् । उनले लेखेकी छिन्, 'शुभमसँग हाम्रो यात्रा सुरु भएको छ। नयाँ कथाहरूमा हृदय, जोश र विश्वासका साथ ।' पहिलो पटक तिरुपति मन्दिरमा दुवै जना सँगै देखिएदेखि राज र सामन्थाबीचको निकटताको खबर बाहिर आइरहेका छन् ।