सरकारले जिम्मेवारी पूरा नगर्दा शिक्षा क्षेत्र भद्रगोल भयो -- सिके राउत

काठमाडौं । जनमत पार्टीका अध्यक्ष डा. सिके राउतले सरकारमा रहेका जनप्रतिनिधिले जिम्मेवारी पूरा नगर्दा शिक्षा क्षेत्र भद्रगोल भएको टिप्प्णी गरेका छन् । 

जनमत निटक विद्यार्थी संगठन विद्यार्थी जनमत संघको केन्द्रीय समिति बैठक तथा प्रशिक्षणमा बोल्दै उनले शिक्षामा गुणात्मक सुधार जरुरी भएता पनि सरकारले त्यसको सुधारका लागि प्रयत्न नगरेको गुनासो गरे । 

उनले भने ‘विद्यार्थीका आफ्नै मुद्दा छन् । देश संघियतामा गयो र तीन तहको सरकार भयो । यो सरकारमा बाझाबाझ छ । त्यसैले, केन्द्रको अधिकारहरु स्पष्ट छैन् । प्रदेश झन गञ्जागोल छ । त्यसैले सबैले आफ्नो जिम्मेवमरी राम्रोसँग पुरा नगर्दा शिक्षा भद्रगोल छ  । शिक्षामा सुधार जरुरी छ । तर, सुधारको लागि प्रयत्न भईरहेको छैन् । गुणात्मक रुपमा विकास हुनु पर्ने भएको छैन् । ’

उनले विद्यार्थीहरुले राजनीतिक पार्टीहरुको लागि आन्दोलन गर्ने तर, आफ्नै पढाई समयमा हुनु प¥यो भनेर ठूलो आन्दोलन गर्न नसकेको बताए । अध्यक्ष राउतले विद्यार्थीहरुले शिक्षाको बजेटको लागि राष्ट्रियव्यापी आन्दोलन नै गर्ने मनसाय बनाउनु भन्दै सरकारसँग लडेर अधिकार लिन सकिनेमा जोड दिए ।