पहिराे खस्दा तानसेन–बुटवल सडक खण्ड बन्द

पहिरोका कारण तानसेन बुटवल सडक खण्ड बन्द भएको छ । सिद्धार्थ राजमार्गअन्तर्गत पर्ने पाल्पाको तिनाउ गाउँपालिका ५ कालीमाटीमा आज सोमवार दिउँसो सुक्खा पहिरो खसेपछि सडक बन्द भएको हो । 

अहिले डोजर लगाएर पहिरो पन्छाउने काम भइरहेको छ । सुक्खा पहिरो गएको भए पनि अहिले पानी पर्न थालेकाले पहिरो पन्छाउन समस्या भएको जिल्ला प्रहरी कार्यालय पाल्पाले जनाएको छ । दुईतर्फी रूपमा नै  सडक बन्द भएकाले पाल्पाबाट वुटवलतर्फ जाने तथा बुटवलदेखि पाल्पातर्फ आउने यातायातका साधन बाटोमै रोकिएका छन् । 

सडक माथिबाट लगातार पहिरो खसिरहेकाले पहिरो पन्छाउन दुईरतीन घण्टाभन्दा धेरै समय लाग्न सक्ने प्रहरीले जनाएको छ । त्यही ठाउँमा  केही दिनअघि पनि सुक्खा पहिरो खसेको थियो ।