लाइपजिगसँग बायर्न पराजित

काठमाडौं । जर्मन बुन्डेसलिगा फुटबलमा शीर्ष स्थानको बायर्न म्युनिखले हार व्यहोरेको छ ।

शनिबार राति बायर्नलाई आरबी लाइपजिगले ३-१ गोल अन्तरले हराएको हो ।घरेलु मैदानमा सुरुआती एक गोलको अग्रता जोगाउन नसक्दा बायर्नले हार व्यहोरेको हो ।

खेलको २५ औं मिनेटमा सेर्जी जिनाब्रीले गोल गर्दै बायर्नलाई सुरुआती अग्रता दिलाएका थिए ।तर, खेलको ६४ औं मिनेटमा कोनराड लिमेरले गोल गर्दै लाइपजिगलाई १-१

गोलको बराबरीमा ल्याए ।खेलको ७६ औं मिनेटमा क्रिष्टोफर एनकुन्कुले पेनाल्टीमार्फत गोल गर्दा लाइपजिग २-१ ले अघि रह्यो ।

त्यसपछि खेलको ८६ औं मिनेटमा डोमिनिकले पेनाल्टीमार्फत नै गोल गर्दै लाइपजिगलाई ३-१ को जित दिलाए ।यस जितसँगै लाइपजिगले ३३ खेलमा ६३ अंक जोडेको छ ।

लाइपजिग तेस्रो स्थानमा रहेको छ ।बायर्नले ३३ खेलमा ६८ अंक जोडेको छ । यस हारले बायर्नको उपाधि होडमा धक्का लागेको छ ।एजेन्सी