बलिउड अभिनेत्री अमीषा पटेल विरुद्ध वारेन्ट जारी

काठमाडौं । बलिउड अभिनेत्री अमीषा पटेल आगामी फिल्म ‘गदर २’का कारण चर्चामा छिन्। लामो समयपछि उनी फिल्ममा कमव्याक गर्दैछिन्। यही बीच राँची सिभिल कोर्टले अभिनेत्रीविरुद्ध वारेन्ट जारी गरेको छ।

उनीमाथि चेक बाउन्स र धोखाधडीको आरोप छ। अदालतले बिहीबार अभिनेत्री र उनको बिजनेस पाटर्नरविरुद्ध वारेन्ट जारी गरेको हो। अदालतले पटक पटक तारीख दिए पनि अमीषा र उनको वकिल अदालत पुगेका छैनन्। अभिनेत्रीको यो रवैयामाथि कोर्टले दुःख व्यक्त गरेको छ।

अब मुद्धाको आगामी सुनुवाई अप्रिल १५ मा हुनेछ। यो मामलामा अभिनेत्रीमाथि अढाई करोड रुपैंयाँ धोखाधडीको आरोप छ। राँची जिल्लाका हरमू निवासी अजयकुमार सिंहले अमीषा र उनका बिजनेस पाटर्नरविरुद्ध धोखाधडीको मुद्धा दर्ता गराएका थिए।

अजयका अनुसार अमीषाले फिल्म ‘देसी म्याजिक’ को अफर दिँदै अजयलाई फिल्ममा लगानी गर्न आग्रह गरेकी थिइन्। त्यसपछि अजयले अढाई करोड रुपैंयाँ अमीषाको खातामा पठाइदिएका थिए।

फिल्मको सुटिङ सन् २०१३ मा हुनुपर्ने थियो। तर सुटिङ भएन। त्यहीबेला अजयले अमीषालाई पैसा फिर्ता माग्दा अमीषा र उनको मेनेजरले फिल्मको काम पुरा गरेपछि व्याजसहित पैसा फिर्ता गर्ने आश्वासन दिएका थिए।

अमीषाले लामो समयसम्म पैसा नदिएपछि अक्टोबर २०१८ मा अजयलाई अढाई करोड र ५० लाखको दुई चेक दिएकी थिइन्। तर चेक बाउन्स भएपछि उनले अमीषाविरुद्ध उजुरी दिएका हुन्। एजेन्सी