इक्वडेरसँग कतारको बिर्सनलायक हार

काठमाडौ । आयोजक कतारले विश्वकप २०२२ मा आइतबार बिर्सनलायक सुरुआत गरेको छ । अल बयात रंगशालामा भएको समूह ‘ए’ को खेलमा इक्वेडरले उसलाई सजिलै २–० ले पराजित गर्‍यो ।

दक्षिण अमेरिकी देशका लागि दुवै गोल कप्तान ई भ्यालेन्सियाले गरे । उनले पहिलो गोल १६ औं मिनेटमा पेनाल्टीबाट गरे र यो नै यसपल्टको विश्वकपको पहिलो गोल रह्यो । दोस्रो गोल ३१ मिनेटमा हेडबाट थपे ।

खेलको सुरुमै उनले एक अर्को गोल गरेको भए पनि त्यसलाई ‘भार’ ले मान्यता दिएन् । यससँगै इक्वडेरले समूह ‘ए’ को शीर्ष स्थानमा तीन अंक सहित शीर्ष स्थानमा ओगटेको छ । कतार भने शून्य अंकमा पुछारमा रह्यो ।
प्रतियोगितामा आफ्नो चुनौती कायम राख्न अब एसियाली च्याम्पियन पनि रहेको कतारले बाँकी खेलमा कडा चुनौती पेस गर्न सक्नु पर्नेछ ।