भोटेकोशी बाढीको महाविपत्ति: हालसम्म १,३९२ शव फेला, बेपत्ता ४ हजारको खोजी जारी

काठमाडौँ, भदौ २९-गत भदौ १० गते रसुवाको भोटेकोशी नदीमा आएको विनाशकारी लेदोसहितको भीषण बाढी र पहिरोका कारण ज्यान गुमाउनेको संख्या १, हजार ३ सय ९२ पुगेको छ। नेपाल प्रहरी प्रधान कार्यालय नक्सालले सार्वजनिक गरेको पछिल्लो तथ्याङ्क अनुसार बाढी प्रभावित विभिन्न आठ जिल्लाहरूबाट हालसम्म यी शवहरू फेला पारिएका हुन्। 

विपद्को १९औँ दिन बितिसक्दा पनि बाढीमा हराइरहेका ४ हजार ८९ जना व्यक्तिहरू अझै बेपत्ता रहेकाले मानवीय क्षतिको यो आँकडा अझै बढ्न सक्ने सुरक्षा निकायले जनाएको छ।

मृतकको विवरण र सनाखतमा जटिलता

प्रहरी प्रवक्ता प्रहरी वरिष्ठ उपरीक्षक अविनारायण काफ्लेका अनुसार फेला परेका शवहरूमध्ये ५४२ पुरुष र ३३६ महिलाको पहिचान खुलेको छ भने बाँकी ५१४ वटा शवहरू आंशिक अङ्ग मात्र भएका वा क्षतविक्षत अवस्थामा फेला परेका छन्।

• हस्तान्तरण: पहिचान भएका शवहरूमध्ये हालसम्म १०३ वटा शव कानुनी प्रक्रिया पूरा गरी आफन्तलाई बुझाइएको छ।
  सामूहिक व्यवस्थापन: सनाखत हुन नसकेका १,२३० वटा शवहरूलाई माटोमुनि सुरक्षित रूपमा धार्मिक तथा कानुनी विधि अनुसार व्यवस्थापन गरिएको छ।
  डीएनए परीक्षणलाई प्राथमिकता: पहिचान नभएका शवहरूको सनाखतका लागि प्रहरीले मृतकका १,२८६ र आफन्तका १,८४६ गरी कुल ३,१३२ वटा डीएनए (ड्ण) नमुना सङ्कलन गरेर ल्याब परीक्षणको काम अघि बढाएको छ। पहिचान नभएका शवहरूको हुलिया र विवरण नेपाल प्रहरीको आधिकारिक वेबसाइटमा समेत राखिएको छ।

४ हजारभन्दा बढी अझै बेपत्ता, विदेशी नागरिक पनि समेटिए

बाढीमा परी बेपत्ता भएका ४,०८९ जनाको खोजी कार्य अझै तीव्र गतिमा जारी छ. बेपत्ता हुनेहरूमा: 

• स्वदेशी नागरिक: २ हजार ९०७ पुरुष र ५७२ महिला.
• विदेशी नागरिक: २७२ पुरुष र ३२८ महिला (विशेष गरी मानसरोवर तथा ट्रेकिङ रुटमा रहेका पर्यटक र सीमा क्षेत्रका कामदार)

प्रभावित जिल्लागत रूपमा भेटिएका शवहरूको विवरण:

नेपाल प्रहरीका अनुसार बाढीको बहावले बगाएर तल्लो तटीय क्षेत्रसम्म पुर्‍याएका शवहरू निम्न जिल्लाहरूबाट सङ्कलन गरिएको छ: 

• चितवन: ३६४ शव
• नवलपरासी पूर्व: २३० शव
• नवलपरासी पश्चिम: २ सय २२ शव
• नुवाकोट: १९९ शव
• रसुवा (उद्गम क्षेत्र): १८५ शव
• गोरखा: ७७ शव
• धादिङ: ७१ शव
• तनहुँ: ३८ शव
  (काठमाडौँमा उपचारका क्रममा थप २ जनाको मृत्यु भएको छ) 

उद्धार र राहत कार्य जारी

विपद् लगत्तै प्रभावित क्षेत्रहरूबाट हालसम्म ९ हजार २८७ जना घाइते तथा जोखिममा परेका नागरिकहरूको सकुशल उद्धार गरिएको छ। उद्धार गरिएकामध्ये २ हजार ७८१ जनालाई विभिन्न जिल्लाका सुरक्षित होल्डिङ सेन्टरहरूमा आश्रय दिइएको छ। 

प्रभावित क्षेत्रमा बेपत्ताको खोजी, सुरुङहरूमा अड्किएकाहरूको उद्धार, राहत वितरण र स्वास्थ्य शिविर सञ्चालनका लागि नेपाल प्रहरी, नेपाली सेना र सशस्त्र प्रहरी बलका गरी ७ हजार ९ सय ७५ जना सुरक्षाकर्मीहरू अत्याधुनिक उपकरण र तालिमप्राप्त कुकुरसहित अहोरात्र खटिएका छन्।