नेपालको उपाधिमा दावेदारी

काठमाडौं । नेपाल वुमेन्स यू–१५ साफ च्याम्पियनसपको शीर्ष स्थानमा उक्लेको छ र यसका लागि नेपालले बुधबार बंगलादेशको ढाकामा भएको खेलमा भुटानलाई १–० ले हराएको हो । यो जितसँगै नेपालले उपाधिका लागि बलियो दावेदारी पनि प्रस्तुत गरेको छ ।

नेपालको यो लगातार तेस्रो जित पनि हो । भुटानमाथि नेपालको यो लगातार दोस्रो जित हो । नेपालका लागि सब्टिच्युट सेनु परियारले निर्णायक गोल गरिन् । गोलरहित बराबरीपछि उनले ४९ औं मिनेटमा गोल गरिन् ।

यस्तै नेपालको एक जित बंगलादेशविरुद्ध रहेको छ । नेपालको तीन खेलबाट नौ अंक भएको छ । लगातार चौथो हार बेहोर्दै भुटानले निराशाजनक रूपमा प्रतियोगिता टुंग्याएको छ । बंगलादेश तीन खेलबाट छ अंकमा दोस्रो स्थानमा छ ।