कतैबाट धम्की आएमा युवा संघलाई खबर गर्नु- ओली

काठमाडौँ । नेकपा एमालेका अध्यक्ष केपी शर्मा ओलीले धम्कीको भरमा देश नचल्ने चेतावनी दिएका छन् । राष्ट्रिय युवा संघको कार्यक्रममा बोल्दै अध्यक्ष ओलीले सञ्चारकर्मीलाई कसैबाट धम्की आएमा युवा संघलाई खबर गर्न आग्रह गरेका हुन् ।

ओलीले अहिले लोकतन्त्र नभएको बेला मिडिया क्षेत्रको साथमा एमाले रहेको बताउदै ओलीले हिजो लोकतन्त्र भएको समयमा समेत आफुहरुले गलत समाचार लेख्दा पनि कारवाही नगरेको बताए । अहिले एउटा टेलिफोनको भरमा त्रासको वातावरण बनेको दाबि गर्दै उल्लेखले युवा संघलाई खबर गरेमा सुरक्षा दिने समेत बताए ।

देशका १६ सय भन्दा बढी संरचना जलाएर देशको अर्थतन्त्रलाई २५ बर्ष पछि धकेलिएको बताए । साथै उनले कुलमान घिसिङप्रति इंगित गर्दै केहि तत्वले विद्युत बन्द गरेर उद्योग बन्द गरेर देशको अर्थतन्त्र ध्वस्त पार्न लागेको बताए ।

उनले भने- 'अब देशलाई भन्न चाहन्छु, कोहि पनि नडराउनुस, सबैको सुरक्षा एमालेले गर्ने छ । देशमा अब कसैका घर, उद्योग र स्टोर जल्न दिने छैन । हामीले यस्तो अवस्था देख्यौं जनताको सुरक्षा आफैले नगर्ने हो भने सुरक्षा गर्न नसकिने रहेछ । अब जनताको सुरक्षा जनताले नै गर्नुपर्ने अवस्था आएको छ ।'

देशमा शान्ति सुव्यवस्था र न्याय नभएको दाबि गर्दै मेरो घरमा आगजनी गरेको मान्छे यो हो भन्दा पनि प्रहरीले उजुरी नलिने र पक्राउ गरेकालाई छोड्ने गरेको बताए ।