घट्यो सुनको मुल्य

काठमाडौं । नेपाली बजारमा आज सुनको मूल्य घटेको छ भने चाँदीको मूल्य बढेको छ । नेपाल सुनचाँदी व्यवसायी महासंघकाअनुसार सुनको मूल्य तोलामा ६ सय रुपैयाँले घटेको हो । चाँदीको मूल्य भने तोलामा १० रुपैयाँले बढेको हो ।

हिजो प्रतितोला एक लाख ५० हजार ७ सय रुपैयाँमा कारोबार भएको सुन आज ६ सय रुपैयाँले घटेर एक लाख ५० हजार १ सय रुपैयाँ पुगेको महासंघले जनाएको छ ।

त्यस्तै, चाँदीको मूल्य भने आज बढेको छ । हिजो प्रतितोला एक हजार आठ सय ८० रुपैयाँमा कारोबार भएको चाँदीको मूल्य आज १० रुपैयाँले बढेर एक हजार आठ सय ९० रुपैयाँ पुगेको छ ।