ब्रेन्टफोर्डसँग हारेपछि निराश लिभरपुल

लन्डन । इंग्लिस प्रिमियर लिगमा लिभरपुलले सोमबार निराशाजनक हार बेहोरेको छ । शीर्ष चारमा प्रवेश गर्ने सपना बोकिरहेको लिभरपुल ब्रेन्टफोर्डको हातबाट ३–१ ले पराजित रह्यो ।
योर्गन क्लोपको लिभरपुलले पूरा खेल अवधिमा गरेको प्रदर्शन उल्लेखनीय रहेन् । यो सिजन लिभरपुलले लिगमा २३ अंक ड्रप गरिसकेको छ । लिभरपुल २८ अंकमा छैटौं स्थानमा रह्यो र उसले शीर्ष चारमा प्रवेश गर्नका लागि थप संघर्ष गर्नु पर्नेछ ।
ब्रेन्फोर्डले भने आफ्नो स्थिति सुधार गर्दै २६ अंकसहित सातौं स्थानमा उक्लेको छ । कम्युनिटी स्टेडियममा भएको खेलमा ब्रेन्टफोर्ड पहिलो हाफमा दुई गोलले अग्रता लिएको थियो ।
इब्राहिम कोनाटेले आत्मघाती गोल गरेपछि योने विसाले दोस्रो गोल थपे । एलेक्स अक्सलेड–च्याम्बरलिनले लिभरपुलका लागि एक गोल फर्काए पनि ब्रायन एमबेमोले ब्रेन्टफोर्डका लागि तेस्रो गोल थपे ।