बजेट सत्तारुढ गठबन्धनको चुनावी घोषणापत्र जस्तै : विष्णु पौडेल

नेकपा एमालेका उपाध्यक्ष विष्णु पौडेलले सरकारले २०७९/८० का लागि ल्याएको बजेट सत्तारुढ दलको चुनावी घोषणापत्र जस्तै भएको बताउनु भएको छ ।

प्रतिनिधि सभाको बैठकमा बजेटमाथि सुरु भएको छलफलमा उहाँले बजेट सत्तारुढ गठबन्धनको चुनावी घोषणापत्र र चुनावी प्रचार जस्तो देखिएको बताउनुभयो । उहाँले मतदातालाई झुक्क्याएर भोट बटुल्ने हिसाबले बजेट सार्वजनिक गरिएको भन्दै  सरकारको टिप्पणी गर्नुभयो ।

राज्यको स्रोतलाई दुरुपयोग गर्दै आफ्ना मतदाता रिझाउनका लागि मात्रै बजेट ल्याइएको उहाँको आरोप छ । उहाँले बजेटमा अर्थतन्त्रको चुनौतीलाई बेवास्ता गरिएको पनि आरोप लगाउनुभयो ।  अस्ति अर्थमन्त्री जर्नादन शर्माले  १७ खर्ब ९३ अर्ब ८३ करोड रुपैयाँको बजेट सार्वजनिक गर्नुभएको थियो ।