लालबन्दी नगरपालिका-१ मा एमाले का बागी उम्मेदवार बिजयी 

ईसंचारपाटी / संवाददाता 

जेठ ५ - हालै सम्पन्न ७५३ स्थानीय निकाय निर्वाचनको मत परिणामका नतिजा हरु आउने क्रम जारी छ ।

यसै क्रममा लालबन्दी नगरपालिका वडा नम्बर १ मा स्वतन्त्र उम्मेदवार हरि बहादुर भट्टराई ( हरिहर) ले ५५७ मत ल्याई आफ्ना निकटतम प्रतिद्वन्दी माओवादी केन्द्र का उम्मेदवार लाई ११२ मतान्तरले पछि पार्दै बिजय हासिल गरेका छन। उनका निकटतम प्रतिद्वन्दी माओवादी केन्द्रका उम्मेदवार देव नारायण महतोले ४४५ मत प्राप्त गरे ।

गएको २०७४ सालको स्थानीय निर्वाचनमा उनी नेकपा एमाले बाट निर्वाचित वडा सदस्य समेत हुन । वडाको टिकट बाड्ने अन्तिम समयमा टिकटका लागि ९ जना आकांक्षी थिए । तर अन्तिम समयमा आएर निवर्तमान वडा सदस्य समेत रहेका हरेराम बस्नेत ले टिकट पाएपछि । हरिहर भट्टराई स्वतन्त्र बाट पुतली चुनाव चिन्ह लिएर चुनावी मैदानमा उत्रिएका थिए ।

उनका प्यानलका एक वडा सदस्य दिपेन्द्र बुढाथोकी भने माओवादी का उम्मेदवार सँग पराजित भए । नेकपा एमालेका उम्मेदवार हरेराम बस्नेतले २८७ मत पाएर तेस्रो स्थान मा सिमित हुने पुगे ।