आज र भोलि ठूलो पानी पर्ने सम्भावना कम

काठमाडौं । मनसुन केही निष्क्रिय रहेकाले आज र भोलि ठूलो पानी पर्ने सम्भावना नरहेको मौसमविद्ले बताएका छन् । बिहान र दिउँसो पानी नपरे पनि बेलुकीपख हल्कादेखि मध्यम वर्षा हुने मौसमविद् वरुण पौडेलले बताए ।

अहिले मनसुन केही निष्क्रिय रहेकाले आज र भोलि ठूलो पानी नपर्ने तर बर्खाको समय भएकाले बेलुकीपख भने पानी पर्ने उनले बताए । शनिवार भने वाग्मती प्रदेशसहित पश्चिमी प्रदेशका केही ठाउँमा ठूलो वर्षाको अनुमान गरिएको छ ।