कांग्रेस पदाधिकारी बैठक सानेपामा आज दिउँसो १ बजे बस्दै

नेपाली कांग्रेसले मंगलबार (आज) पदाधिकारी बैठक बोलाएको छ । समसामयिक राजनीतिक विषयमा छलफल गर्न पदाधिकारी बैठक बस्न लागेको कांग्रेसले जनाएको छ । 

बैठक केन्द्रीय कार्यालय सानेपामा दिउँसो १ बजे बस्नेछ । बैठकमा कांग्रेसका भ्रातृ र शुभेच्छुक संस्थाका विधानको टुंगो लगाउने, मुलुकको समसामयिक राजनीतिलगायत विषयमा छलफल हुने कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।

बैठकमा आउँदो निर्वाचनको तयारीका विषयमा पनि छलफल हुने बताइएको छ । कांग्रेसले गएको स्थानीय तहको निर्वाचनको समीक्षा र विविध विषयमा छलफल गर्न यही असार २७ गते केन्द्रीय कार्यसमितिको बैठकसमेत बोलाएको छ ।