प्रधानमन्त्री प्रचण्ड नयाँदिल्लीमा, विदेश राज्यमन्त्री लेखीद्वारा स्वागत

काठमाडौं । प्रधानमन्त्री पुष्पकमल दाहाल प्रचण्ड भारतको राजधानी नयाँदिल्ली पुगेका छन् । भारतको चार दिने औपचारिक भ्रमणका लागि उनी बुधबार अपरान्ह काठमाडौंबाट नयाँदिल्लीतर्फ प्रस्थान गरेका थिए 

प्रधानमन्त्री प्रचण्डलाई भारतीय विदेश राज्यमन्त्री मिनाक्षी लेखीले इन्दिरा गान्धी अन्तर्राष्ट्रिय विमानस्थलमा स्वागत गरेकी थिइन्। प्रधानमन्त्रीको सम्मानका लागि विमानस्थलमा सांस्कृतिक कार्यक्रम पनि राखिएको थियो।