संसद्को संयुक्त बैठक भोलि बस्दै, महासंघका महासचिव गुटरेसले सम्बोधन गर्ने

काठमाडौं । संघीय संसद्अन्तर्गत प्रतिनिधिसभा र राष्ट्रिय सभाको बैठक आह्वान गरिएको छ । 

भोलि (मंगलबार) अपराह्न ४ बजेका लागि उक्त सभाको दुवै सदनको संयुक्त बैठक आह्वान गरिएको हो ।

बैठकमा संयुक्त राष्ट्रसंघका महासचिव एन्टोनियो गुटेरेसले सम्बोधन गर्नेछन् । सोही प्रयोजनका लागि बैठक आह्वान गरिएको संघीय संसद् सचिवालयले जनाएको छ ।

प्रतिनिधिसभाका सभामुख देवराज घिमिरेले राष्ट्रिय सभाका अध्यक्ष गणेशप्रसाद तिमिल्सिनासँगको परामर्शमा भोलि ४ बजेका लागि बैठकको समय निर्धारण गरेको संघीय संसद्का महासचिव डा.भरतराज गौतमले बताए । 

बैठक काठमाडौं नयाँबानेश्वरस्थित प्रतिनिधिसभा बैठक कक्षमा बस्नेछ ।