नेपाल टि–ट्वान्टी लिग शनिबारदेखि

काठमाडौं– हुने नहुने अन्यौलताबीच अन्ततः पहिलो संस्करणको नेपाल टि–ट्वान्टी क्रिकेट एक दिन पछि सरेको छ । नेपाल क्रिकेट संघ (क्यान) ले बिहीबार प्रेस विज्ञप्ती जारी गर्दै प्रतियोगिता प्राविधिक कारणले एक दिन पछाडि सरेको जनाएको छ ।

अब प्रतियोगिता पुस ९ शनिबारदेखि सुरु हुनेछ । यसअघि दुई पल्ट घोषित मितिमा पछाडि सरिसकेको प्रतियोतिगा अहिले एक दिनका पछाडि गएको हो । प्रतियोगितामा कुल छ टिमको सहभागिता रहेको छ  ।

त्यसमा काठमाडौं नाइट, पोखरा एभेन्जर्स, फार वेस्टर्न युनाइटेड, जनकपुर रोयल्स, विराटनगर सुपर किंग्स र लुम्बिनी अल स्टार रहेका छन् । क्यानले प्रेस विज्ञप्तीमा प्रतियोगितको टुर्नामेन्ट डाइरेक्टरमा वृतान्त खनाललाई नियुक्त गरेको पनि जनाएको छ ।