×

कर्णाली प्रदेशको कांग्रेस संसदीय दलको निर्वाचन शनिबार हुने

images

सुर्खेत । कर्णाली प्रदेशमा नेपाली कांग्रेस संसदीय दलको निर्वाचन शनिबार हुने भएको छ । संसदीय दलको निर्वाचन गर्न बनेको निर्वाचन समितिले बिहीबार उम्मेदवार बन्नका लागि निर्वाचन कार्यतालिका सार्वजनिक गरिएको छ ।

सार्वजनिक गरेको कार्यसूची अनुसार शनिबार दलको नेताका लागि निर्वाचन हुने निर्वाचन समितिका संयोजक कृष्णबहादुर रोकायले जानकारी दिए । उनका अनुसार शनिबार विहान ९ बजेदेखि ११ बजेसम्म मतदान गर्ने कार्यतालिका बनाएको छ । दलको उम्मेदवारका लागि २५ हजार शुल्क निर्धारण गरिएको छ ।


कार्यतालिका अनुसार शुक्रवार ८ गते बिहान ८ बजे मतदाता नामावली प्रकाशन गरिने छ भने सोही दिन दिउँसो १२ बजेसम्म दाबी विरोध उपर जाँचबुझ गरी अन्तिम नामावली प्रकाशन गरिने छ ।

शुक्रबार दिउसो ३स्३० बजे उम्मेदवारका लागि दरखास्त गर्ने कार्यतालिका रहेको छ भने उम्मेदवारको नाम फिर्ता लिने समय बेलुका साढे पाँच बजे तोकिएको छ ।

बिहीबार ७ पुस २०७९ ०४:१३ PM मा प्रकाशित

प्रतिक्रिया