प्रधानमन्त्री प्रचण्डद्वारा थवाङ खोलामा निर्मित पक्की पुलको उदघाटन

रोल्पा । प्रधानमन्त्री पुष्पकमल दाहाल ‘प्रचण्ड’ले रोल्पाको थवाङ गाउँपालिकास्थित थवाङ खोला पक्की पुलको आज उद्घाटन गरेका छन् । 
उक्त पुलको लम्बाइ एक सय ६९ मिटर रहेको छ । सो  अवसरमा उनले शहिदमार्ग कालोपत्र, थवाङमा फलफूल र जडीबुटी परियोजना  र रोल्पाका सबै स्थानमा विद्युत् सेवा विस्तार गरिने जानकारी दिए ।  

प्रधानमन्त्री प्रचण्डले आज नै  थवाङमा आयोजित गाउँपालिकास्तरीय पार्टी प्रशिक्षण कार्यक्रमलाई सम्बोधन गर्दै फुट र विभाजनका कारण माओवादी शक्ति केही कमजोर भएको जनाउँदै यसलाई शक्तिशाली बनाउन एकीकरण र ध्रुवीकरणको प्रक्रिया सुरु भएको बताए । 

उनले भने– ‘माओवादी धारको एकीकरण यथाशीघ्र हुन्छ । पार्टी एकताका लागि विप्लवले नेतृत्व गरेको नेपाल कम्युनिष्ट पार्टीसँग निकटता रहेकाले यसले यथाशीघ्र मूर्तरुप लिन्छ ।’ 

प्रधानमन्त्री प्रचण्डले रोल्पा अस्पतालको नवनिर्मित भवनको उद्घाटन गर्ने कार्यक्रम रहेको छ  ।