मधेशका मुख्यमन्त्री यादवले मंसिर २४ गते नै विश्वासको मत लिने, तीन मन्त्री नियुक्त

काठमाडौं । मधेशका नवनियुक्त मुख्यमन्त्री कृष्णप्रसाद यादवले मन्त्रिपरिषद गठन गरेका छन् । आजै मुख्यमन्त्रीको शपथ लिएका यादवले नेपाली कांग्रेस, जनमत र नेकपा एकीकृत समाजवादीबाट १, १ जनालाई लिएर मन्त्रिपरिषद विस्तार गरेका हुन् ।

नेपाली कांग्रेसबाट जंगीलाल राय, जनमतबाट महेश प्रसाद यादव र नेकपा एकीकृत समाजवादीबाट कनिस पटेल मन्त्री नियुक्त भएका छन् । जनमतका महेश प्रसाद यादवले अर्थ मन्त्रालयको जिम्मेवारी पाउँदा जंगीलाल र कनिसको मन्त्रालय भने तोकिएको छैन । नवनियुक्त मन्त्रीहरुलाई प्रदेश प्रमुख डा। सुरेन्द्र लाभ कर्णले पद तथा गोपनीयताको सपथ गराएका छन् । मुख्यमन्त्री कृष्णप्रसाद यादवले आगामी मंसिर २४ गते प्रदेशसभाबाट विश्वासको मत लिने तयारी थालेका छन् ।