नेपाली महिला फुटबल टिमले इरान र भारतसँग मैत्रीपूर्ण खेल खेल्ने

काठमाडौं । नेपाली राष्ट्रिय महिला फुटबल टिमले अक्टोबर महिनामा दुई अन्तर्राष्ट्रिय खेल खेल्ने भएको छ ।

अखिल नेपाल फुटबल संघ (एन्फा) ले नेपाली महिला टिमले अक्टोबर २४ मा इरानसँग र अक्टोबर २७ मा भारतसँग मैत्रीपूर्ण खेल खेल्ने निश्चित भएको जानकारी दिएको छ । दुवै खेल भारतको शिलोङमा खेलिने एन्फाले जानकारी दिएको छ ।

एन्फाले यस अघि नै भारतविरुद्ध खेल्ने नेपाली महिला राष्ट्रिय फुटबल टिमको प्रारम्भिक ३५ खेलाडीको घोषणा गरेको छ ।

नेपाली महिला फुटबलको प्रारम्भिक टिम:

गोलकिपर:  अन्जिला तुम्बापो सुब्बा, अञ्जना राणा मगर, उषा नाथ, सुशीला चौधरी र लीला जोशी ।

डिफेन्डर:  निशा ठोकर, समिक्षा घिमिरे, मन माया दमाई, प्रतिक्षा चौधरी, विमला विक, पुजा राणा, अमृता जैशी, सजनी थोकर, हिरा कुमारी भुजेल र नेहा कुमारी चौधरी ।

मिडफिल्डर: विमला चौधरी, अनिता बस्नेत, रेणुका नगरकोटे, प्रीति राई, सरु लिम्बु, सविता राणा मगर, सरस्वती हमाल, चन्द्रा भण्डारी, अनिता केसी, हिमा राउत, दीपा शाही, तुलसा बोहोरा, सनु परियार र सुक्रिया मिया ।

फरवार्ड:  रश्मी कुमारी घिसिङ, रेखा पौडेल, मिना देउवा, पूर्णिमा राई, जेनिफर मगर र सावित्रा भण्डारी ।