क्रिकेट टिमलाई प्रधानमन्त्रीको बधाई, भने : सरकार खेल र खेलाडीहरूको साथमा छ

काठमाडौं । प्रधानमन्त्री पुष्पकमल दाहाल ‘प्रचण्ड’ले टी–२० विश्वकप विजेता नेपाली क्रिकेट टोलीलाई बधाई दिएका छन् ।

शुक्रबार टी–२० विश्वकपमा छनोट भएसँगै क्रिकेट टोलीलाई बधाई दिँदै उनले क्रिकेट टोलीले प्राप्त गरेको सफलता र उचाइप्रति उच्च सम्मान व्यक्त गरेका छन् । 

‘टी९२० विश्वकप प्रतियोगिताका लागि छनोट भएकोमा नेपाली क्रिकेट टोलीलाई हार्दिक बधाइ ज्ञापन गर्दछु,’ उनले सामाजिक सञ्जालमार्फत भनेका छन्, ‘पछिल्लोसमय क्रिकेटमा नेपाली टोलीले प्राप्त गरेको सफलता र उचाइप्रति नेपाल सरकारको तर्फबाट उच्च सम्मान व्यक्त गर्दछु ।’

साथै, उनले नेपाली टोलीको आगामी यात्रामा सफलताको कामनासहित सरकार सधैं साथमा रहने प्रतिवद्धता जनाएका छन् । 
‘नेपाली टोलीको आगामी यात्रामा सफलताको कामनासहित सरकार सधै यहाँहरूको साथमा रहने प्रतिवद्धता व्यक्त गर्दछु, उनले भनेका छन् ।