मुक्तक 

१
पूर्णिमाको चन्द्रमा झै दिनमै रात लाग्न थाल्यो
समयको पर्खाइमा तिमीबाट घात लाग्न थाल्यो
रात बढ्दै जान्छ यादको पोखरी खन्दै बिताउँछु
प्रिय खोइ नपिए पनि पिए झै मात लाग्न थाल्यो ।
२
 सम्झनामा दिए गुलाफ चुँडेर मनै चर्कायौ मलाई
  मायाको नाटक देखाई छुरा घोप्दै तर्सायौ मलाई
तिउन चखुवा बानी रहेछ माया फेरि रहने जताततै
आफैले दिएको पीडा पखाल्न झरी बर्सायौ मलाई ।
३
 प्रणय दिवसकोपछि नलाग मायामा धोका खाईसकेकाले
 वर्षमा एकदिन गुलाफ दिन नखोज अपमान पाईसकेकाले
 सच्चा माया त दुःख सुखमा पिलर भएर साथ दिने हुनुपर्छ
पुरानो भाचिएको पुल नखोज नयाँ पूल बनाई आइसकेकाले ।

४
 प्रिय तिमी जे भन् म तिमिलाई भेट्ने दाउमा छु
तिमीलाई भेट्नआफ्नो घर छोडी तिम्रै गाउँमा छु
तिम्रै तस्बिर छातीमा सजाएर आएको एकलै यहाँ 
मलाई एक्लो नपार सर्वस्व दिएर तिम्रै पाउमा छु ।