भालुले आक्रमण गर्दा डोटीमा एक जना घाइते

डोटीको पूर्वीचौकी गाउँपालिका १ का नरबहादुर खड्का भालुको आक्रमणमा परि गम्भीर घाइते हुनुभएको छ । 

जिल्ला प्रहरी कार्यालय डोटीका अनुसार आज मङ्गलवार बिहान घरबाट लेकतिर जाने क्रममा छेरेपानी भन्ने ठाउँमा खड्कालाई भालुले आक्रमण गरेको हो । भालुको आक्रमणमा परि खड्काको टाउको, अनुहार र खुट्टमा चोट लागेको छ ।  

उहाँको जिल्ला अस्पतालमा उपचार सम्भव नभएपछि कैलाली रेफर गरिएको जिल्ला अस्पताल डोटीले जनाएको छ ।